Ocean Park Hong Kong
Ocean Park Chill Club Conservation
Ocean Park Chill Club Conservation
Turtle

Chill Girls

April 07, 2021
| Chill Girls
大家好! 我哋係Chill Girls 嘅Nicole, Cheryl, Emily, Yoyo。我哋組4個都係修讀市場學嘅學生。同普遍大學生一樣,我哋同樣鐘意玩、接觸不同事物同擁抱大自然。當日見到依個比賽可以親身接觸綠海龜亦可以將自己既作品起海洋公園平台發佈。自問想法天馬行空既我哋都希望藉住今次嘅比賽小試牛刀,所以就報左名參加呢個比賽。
喺呢個活動上,我哋除咗學習同實踐到唔少媒體創作同市場推廣嘅技巧之外,最深刻嘅反而係親身接觸同認識到三種唔同嘅主題動物。經過呢個活動之後,我哋先至發現原來香港都有咁多珍貴嘅物種,而且佢哋非常值得大眾去留意。當中最深刻嘅係探訪海洋公園內嘅綠海龜,估唔到海洋公園後場位置有提供庇護所去照顧受傷嘅海龜,而最後佢哋更加會將綠海龜放返去屬於佢哋嘅大海。參加依個比賽後,我哋先發現到海洋公園保育工作鮮為人知嘅一面。或者我哋唔係專業嘅獸醫或學者,但其實每個人生活上嘅小習慣、小動作都可能拯救到各種可愛嘅小動物;簡單如減少使用即棄塑膠產品、自備環保袋、開少啲冷氣;你哋嘅一舉一動,已經可以保護到我地呢個美麗嘅地球啦!
全民畫星係我哋最想同大家分享嘅作品!作品上三位評審都係我哋組員根據三種主題動物而精心設計獨一無二嘅角色,當中每一個細節經過精心設計。作品當時其實係為森度繪畫比賽而創作嘅,所以主題當然係希望吸引大家參加比賽。但我哋除咗比賽之外,都想大家可以留意到主題嘅動物,所以就引用當時好熱門嘅比賽作主題,希望可以吸引大家眼球!